افغاني سرې میاشتې د صفر د مياشتې په ١٤ مه، په بامیان ولایت کې د سوالګرو راټولولو د تثبيت او نوم ليکنې لړۍ پیل کړه!
افغاني سرې میاشتې د صفر د مياشتې په ١٤ مه، په بامیان ولایت کې د سوالګرو راټولولو د تثبيت او نوم ليکنې لړۍ پیل کړه. تثبیت شویو مستحقو سوالګرو ته به په نږدې راتلونکي کې نغدي مرسته ورکړل شي. مستحقو سوالګرو ته د نغدي مرستې لړۍ افغاني سرې میاشتې تېر کال پیل کړې،چې تر دا مهاله په كابل، کندهار، هرات، کونړ او لغمان ولايتونو کې د تثبیت شویو مستحقو سوالګرو د کورنیو سلګونو غړو ته نغدي مرسته ویشل شوې. د افغاني سرې مياشتې د نغدي مرستې لړۍ به روان کال ټول هېواد ته وغځېږي.
