افغاني سره میاشت غواړي چې د مرکزي مرستون د ودانۍ د زیانمنېو سیمو د رغولو ترڅنګ په یاد مرستون کې د لمریزې برېښنا ۴۱.۵ کیلو واټه سیستم رامنځ ته کړي!
افغاني سره میاشت غواړي چې د مرکزي مرستون د ودانۍ د زیانمنېو سیمو د رغولو ترڅنګ په یاد مرستون کې د لمریزې برېښنا ۴۱.۵ کیلو واټه سیستم رامنځ ته کړي، د همدې موخې لپاره د افغاني سرې میاشتې د مرکزي مرستون رئیس، په افغانستان کې د ترکیې سرې میاشتې رئیس ښاغلي فرید ضیاء او د ډنمارک د آی سي آر سي مسئولې نیوویس ویدریک په ګډه د مرکزي مرستون له زیانمنو سیمو د اروزنې او لمریزې برېښنا د سیستم رامنځ ته کولو په موخه له مرستون څخه لیدنه ترسره کړه. تر لیدنې وروسته په افغانستان کې د ترکیې د سرې میاشتې رئیس ښاغلي فرید ضیاء د افغاني سرې میاشتې د مرکزي مرستون له رئیس ښاغلي مولوي الیاس خېل ناصري سره ژمنه وکړه، چې د مرستون زیانمنې سیمې به رغوي او په دې برخه کې به شاوخوا دوه سوه زره امريکايي ډالر لګوي. ټاکل شوې د ترمیم او لمریزې بریښنا د جوړښت چارې به ژر ترسره شي.
