افغاني سره مياشت؛ راستنېدونکو کډوالو ته د پخو خوړو د وېش ترڅنګ روغتیايي خدمتونه هم دوام لري
دوشنبه، ۱۸ محرم الحرام ۱۴۴۷
د افغاني سرې میاشتې له لوري، له ایران څخه د راستنېدونکو کډوالو اساسي اړتیاوو د پوره کولو لپاره د هرات ولايت په اسلام قلعه بندر او د نيمروز ولايت په ميلک بندر کې د پخو خوړو، د څښاک پاکو اوبو او روغتيايي خدمتونو لړۍ روانه ده.
د مرستو په ترڅ کې نن ورځ په هرات کې ۴۰۰۰ تنو او په نیمروز کې ۵۰۰ راستنو شوو کډوالو ته پاخه خواړه او د څښاک پاکې اوبه ووېشل شوې او سلګونه کډوالو ته د ګرځنده روغتیايي ټیمونو له لوري روغتيايي خدمتونه هم وړاندې شول.
