کابل؛ ننګرهار او کونړ نماینده ګيو د رغنیزو چارو لپاره د داوطلبۍ ناستې وشوې
چهارشنبه، ۲ جمادى لأولى ۱۴۴۸
د افغاني سرې میاشتې د ننګرهار اوکونړ ولایتونو په نمایندګيو کې څوکیدارانو ته د اتاقونو، پخلنځي او تشنابونو د رغنیزو چارو د ترسره کولو په موخه په مرکزي دفتر کې د داوطلبۍ دوه جلا جلا ناستې وشوې.
دغه ناستې د افغاني سرې میاشتې د تهیه او تدارکاتو آمریت له لوري تنظیم شوې وې، چې د ۹ ودانیزو شرکتونو استازو پکې ګډون کړی و.
د داوطلبۍ د بهیر له بشپړېدو وروسته به د ګډون کوونکو شرکتونو اسناد د اړوندو اصولو او شرایطو له مخې وارزول شي او د ارزونې د پایلو پر بنسټ به د یادو رغنیزو چارو د ترسره کولو قراردادونه له شرایطو سره برابرو شرکتونو ته وسپارل شي.
