کابل؛ د افغاني سرې میاشتې د کارکوونکو د مسلکي روزنې لپاره د نړیوال فدراسیون د همکاریو پر دوام ټینګار وشو

arcs_website_admin
پنجشنبه ۱۴۰۵/۷/۱۶ - ۱۰:۲۰
K

پنجشنبه، ۲۵ ربیع‌ الآخر ۱۴۴۸

د افغاني سرې میاشتې عمومي رئیس شیخ‌ الحدیث شهاب‌ الدین دلاور په افغانستان کې د ملي ټولنو نړیوال فدراسیون له مشر ښاغلي حسام فیصل سره د سرې مياشتې د ظرفیت لوړونې، د کارکوونکو د مسلکي روزنې او په اړوندو برخو کې د لا زیاتو همکاریو او همغږۍ په اړه ناسته وکړه.

په دې ناسته کې د افغاني سرې میاشتې عمومي رئیس د ملي ټولنو نړیوال فدراسیون له لوري د دې ادارې کارکوونکو ته د مالي چارو، خونديتوب، فرهنګي، پېښو او روغتیا په برخو کې د روزنیزو پروګرامونو د برابرولو او د کارکوونکو د مسلکي روزنې په برخه کې د مالي ملاتړ او همکاریو مننه وکړه.

ښاغلي دلاور د افغاني سرې میاشتې د کارکوونکو لپاره د روزنیزو پروګرامونو پر دوام ټینګار وکړ او ویې ویل چې دا اداره به د هغو ریاستونو او کارکوونکو په اړه معلومات له نړیوال فدراسیون سره شریک کړي چې روزنې ته اړتیا لري، څو د هغوی د کاري برخو او اړتیاوو له مخې ورته مناسب روزنیز پروګرامونه برابر شي.

په مقابل کې، د ملي ټولنو نړیوال فدراسیون مشر د کارکوونکو د مسلکي روزنې اړتیا مهمه وبلله او ویې ویل چې د کارکوونکو مسلکي وړتیاوې د ادارې د چارو د لا ښه والي او منظم پرمختګ لپاره مهمې دي.

نوموړي همدا راز د افغاني سرې مياشتې د پراختیا او ظرفیت لوړونې په برخه کې د اړتیاوو او هڅو په اړه معلومات شریک کړل او ویې ویل چې نړیوال فدراسیون د ددې ملي ټولنې د ظرفیت لوړونې لپاره پر یوه ځانګړي ماډل کار کوي.

ښاغلي فیصل د افغاني سرې میاشتې د ظرفیت لوړونې او د کارکوونکو د مسلکي روزنې په برخو کې د نړیوال فدراسیون د لا زیاتو همکاریو او همغږۍ ډاډ ورکړ.

تازه خبرونه

شنبه ۱۴۰۵/۸/۳۰ - ۱۴:۲۵
Background image

بامیانو کې د شونډو او تالو چاود لرونکو ۲۰۰ ماشومانو ته وړیا جراحي عملیات ترسره شول

شنبه، ۱۰ جمادى ‌الآخره ۱۴۴۸

د جرمني هېواد د شونډو او تالو چاود په برخه کې متخصصو روغتیاپالانو د آغا خان بنسټ په ملاتړ په بامیان ولایت کې د دغو ناروغیو لرونکو ۲۰۰ ماشومانو وړیا جراحي. . .

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

BACK TO NEWS