په بغلان ولایت کې د افغاني سرې میاشتې له لوري شاوخوا ۴۰۰ کورنیو ته نوره مرسته هم وویشل شوه!
نن د روان ۱۴۰۰ هجري لمريز کال د لېندۍ پر ۲۰مه نېټه د افغاني سرې میاشتې ټولنې له لوري د بغلان ولایت د دهنه غوري ولسوالۍ د بېخ کلي شاوخوا ۴۰۰ اړمنو کورنیو ته د پرون په تعقیب مرسته وویشل شوه. تېره ورځ هم په یاد کلي کې ۲۰۰ اړمنو کورنیو ته د افغاني سرې میاشتې له لوري خوراکي مرستې ویشل شوې وې.
په یادو مرستو کی ۸ قلمه خوراکي توکي شامل دي، چې ۵۰ کیلو اوړه، ۲۵ کیلو وریژې، ۱۰ لیتره غوړي، ۱کیلو شین چای، ۵ کیلو بوره، ۷ کیلو لوبیا ، ۲ کیلو مالګه او یو ډبی بسکټ شامل دي چې د سره صلیب او سرو مېاشتو نړېوال فدرېشن په مرسته چمتو شوي.
د یادونې وړ ده چې له تېرو شلو کلو را پدېخوا د لومړي ځل لپاره یاد کلي ته مرسته توزیع شوه. ټاکل شوې، چې د بغلان ولایت په دهنه غوري ولسوالۍ کې به په یاده سیمه کې ۶۰۰ کورنیو ته د خوراکي بستو له وېش وروسته د افغاني سرې میاشتې له لوري د یاد ولایت په مرکزي بغلان ولسوالۍ کې هم ۶۰۰ اړمنو کورنیو ته خوراکي بستې وویشل شي.
