په افغانستان کې د سره صلیب د نړیوالې کمیټې له رئیس سره د افغاني سرې میاشتې ټولنې د رئیس ښاغلي مولوي مطیع الحق خالص لیدنه!
د افغاني سرې میاشتې ټولنې سرپرست رئیس ښاغلي مولوي مطیع الحق خالص په افغانستان کې د سره صلیب د نړیوالې کمیټې له رئیس ښاغلي ایلوا فیلیون او مرستیالې آغلې دنیلا سره په داسې حال کې وکتل، چې د ملي ټولنې مرستیال ښاغلي ملا نورالدین تربي او سکرترجنرال ښاغلي ډاکتر محمد نبي برهان هم ګډون درلود.
پدې لیدنه کې په افغانستان کې د وروستیو طبیعي او غیر طبیعي پیښو پر پایلو، پیښو ته پر غوره ځواب ورکونه او همدارنګه د افغاني سرې میاشتې ټولنې او نړیوال سره صلیب ترمنځ پر لا غوره همغږۍ بحث او خبرې وشې.
