د کیسې لیکو له لارې د مثبت ذهنیت جوړولو په تړاو روزنیز ورکشاپ دایر شو!
د کیسې لیکو له لارې د مثبت ذهنیت جوړولو په تړاو روزنیز ورکشاپ دایر شو!
نن یکشنبه د شوال میاشتې پر ۲۲مه، له افغاني سرې میاشتې سره په همغږۍ د آی سي آر سي په مالي ملاتړ چې د افغانستان لپاره د نړيوال فدراسيون د ستراتیژیکې همغږۍ او بشري دېپلوماسۍ مسؤلې آغلې هُما نادر هم شتون درلود، د اطلاعاتو او خپرونو ریاست اړوند د مرکز او ولایتونو نشراتي مدیرانو ته د کيسې ليکلو، جوړښت او جذابیت برخه کې د وړتياوو لوړولو په موخه ۴ ورځنی ښوونیز ورکشاپ پيل شو.
د ياد ورکشاپ د پرانيستې پر مهال د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور ګډونوالو ته په نشراتي امورو کې د روزنيزو او ظرفيت لوړونې ورکشاپونو د ارزښت په اړه د وينا ترڅنګ د پېښو او بشري ناورینونو پر مهال د پېښځپلو اړتیاوو ته په پوښښ ورکولو او نورو ته په سم ډول وړاندې کولو کې پر چټکتیا او دقت ټینګار وکړ.
ورپسې د افغاني سرې میاشتې د اطلاعاتو او خپرونو رئیس او ویاند ښاغلي مولوي مدثر همراز نشراتي مديرانو ته د پیل شوي روزنيز ورکشاپ د موخو او بحث وړ موضوعاتو په هکله مفصل معلومات وړاندې کړل او له ورکشاپ څخه په سمه توګه استفاده یې د هر تن مسئولیت یاد کړ.
دې ورکشاپ کې به کارکوونکو سره د ښو او زړه راښکونکو کیسو لیکلو، خبر يا راپور د کيسې په بڼه ترتيبول او پر مخاطبینو يې اغيزې او د کیسې په مرسته د پیغامونو د لېږد او مثبت ډول ذهنيت جوړونې برخه کې مهم او اړین موضوعات شریک شي، څو وکولی شي په کاري چاپېریال کې ترې ګټه واخلي.
