د دندې اعلان

د دندې عنوان: فارمسست (Pharmacist / Dispenser)

اړونده اداره: د افغاني سرې میاشتې ټولنه

د دندې ځای: کابل، نهمه ناحیه، د پل پادشاه سیمه، د سوري زړه پر ناروغۍ داخته زېږېدلیو ماشومانو د درملنې روغتون

اړونده څانګه: د روغتیايي خدمتونو ریاست، د ماشومانو د زړه روغتون

بست:  

د بستونو شمېر:  ١

راپور: د ماشومانو د زړه روغتون رئیس ته

راپور اخیستل له:  آی سي او، وارډونو، عملیات خونو او د سراپا خدماتو له څانګو څخه

د بست کوډ نمبر :  hr@0045

د اسنادو د استولو وروستۍ نېټه:
١۴۴۶/۱۱/۲۴
۱۴۰۴/۳/۱
2025/May/22

د دندې موخه:

د درملو له شتون، وېش او د ډاکټر له لارښوونې سره سم د درملو له استفادې څخه ډاډ ترلاسه کول، ناروغانو ته د درملو د استعمال برخه کې بشپړ معلومات ورکول او د سوري زړه پر ناروغۍ د اخته ماشومانو د درملنې په روغتون کې د درملتون د موجودۍ او څارنې د کیفیت مدیریت ترسره کول.

وظیفوي مسئولیتونه:

۱. د ډاکټرانو له لارښوونو او د دوايي کیفیت د کنټرول له معیارونو سره سم درمل تحویل او بسته بندې کوي.

۲. ناروغانو او د هغوی کورنیو ته د درملو د اندازې او سمې ساتنې په اړه معلومات ورکول.

۳. د درملو د پای‌نیټې (Expiry Date) څارنه کول او له ختمېدو وړاندې یې له لګښت څخه ډاډ ترلاسه کول.

۴. د درملو له کمښت او اضافي درملو څخه د مخنیوي او درملو د راوړلو په پار د درملتون موجودي مدیریت کول. 

۵. له ملي معیاري پروتوکولونو سره سم د ګودام شرايطو او پاکولي ته پاملرنه کول.

۶. د درملو د لګښت میاشتني راپورونه جوړول او د (LIS/HMIS) په برېښنايي سیستم کې ثبتول.

۷. د درملو خوندي لګښت او دوايي پروتوکولونو په لیکلو کې له طبي ټيم سره مرسته کول.

۸. د درملیزو پېښو د بررسۍ او تېروتنو څخه د مخنيوي په موخه د کیفیت د ښه‌والي کمیټې په غونډو کې برخه اخیستل.

۹. د درملتون شفتونه سر ته رسول او په ۲۴ ساعته توګه د ناروغانو درملیزو اړتیاو ته ځواب ویل.

۱۰. مسلکي اخلاق درلودل، د ناروغ د معلوماتو محرمیت او اسلامي حجاب ته پاملرنه کول.

۱۱. مراجعینو او ناروغانو ته له درملو د سمې ګټې اخیستنې په هکله معلومات ورکول.

وړتیاوې:

۱. له معتبر دولتي یا شخصي پوهنتون څخه چې لوړو زده کړو او عامې روغتیا وزارتونو سره ثبت وي د درملو جوړولو  Bachelor of Pharmacy یا Pharm.D پنځه کلن تحصیلي سند درلودل.

۲. د عامې روغتیا وزارت د طبي شورا آزموینه یې ورکړې وي او MoPH  کې ثبت وي.

۳.  په روغتون یا OPD کلینیک کې د کار کولو کم تر کمه ۳ کلنه تجربه درلودل.

۴. د درملو د ساتنې د اصولو، موجودۍ د مدیریت او طبي ګودام دارۍ وړتیا درلودل.

۵. د مصرفي راپورونو او درملو د وړاندیزونو جوړولو په موخه د افیس او HMIS برخه کې کمپيوټري مهارتونه درلودل.

۶. په بېړنیو شرايطو کې د پرېکړو او ګروپي کار وړتیا درلودل.

۷. وخت پېژندل او د خدماتو وړاندې کولو پياوړې روحیه درلودل.

۸. په ملي ژبو (پښتو او دري) بشپړ تسلط درلودل او په انګليسي ژبه پوهېدل.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تجربو تصدیقونه او تذکره) پي ډي اف بڼه لاندې  برېښنا لیک ته د ثبت په موخه و استوئ.

برېښنا لیک:
hr@arcs.af

د اړیکې شمېره: ‪
+93-706-750-299

یادونه: نا تکمیله  اسناد د منلو وړ نه دي.