په افغاني سرې میاشت کې خالي بستونو ته پینځمه ازموینه واخیستل شوه!
د سرې میاشتې د عمومي رییس ښاغلي مولوي مطیع الحق خالص د لارښوونې پر بنسټ نن د ۱۴۰۰ لمریز کال د لیندۍ پر ۲۲مه نېټه د دوشنبې په ورځ د سرې میاشتې اړوند د خالي بستونو لپاره له نوماندانو او هغو پخوانیو کارکوونکو تحریري او تقریري ازموینه د ټاکل شوي کمیسیون له لوري واخیستل شوه، چې غواړي خپل اوسني بستونه تبدیل کړي او یا په سره میاشت کې دنده وکړي.
په ټاکل شوي کمیسیون کې په ملاتړیزو چارو کې د جنرال سکرتر مرستیال محمد طیب یوسفزي، د کورنۍ پلټنې رییس مولوي محمد نسیم احمدي، د بشري سرچینو رییس محترم نورالحق یوسفي، د سرې میاشتې د مطبوعاتو امر او ویاند نور اغا صاحبزاده او د بشري سرچینو د ریاست اجرایوي مدیر محمد راوید اعظمي ګډون درلود.
یاده ازموینه چې د خپرونو او اطلاعاتو د ریاست په تالار کې واخیستل شوه؛ په کې ۲۸ تنو ګډون کړی وو.
