د ترکيې سرې میاشتې له لوري افغاني سرې میاشتې ته ۷۲۴ ټنه مرسته وسپارل شوه!

arcs_website_admin
Sat, Jan 11 2025 2:53 PM
خبر

د ترکيې سرې میاشتې له لوري افغاني سرې میاشتې ته ۷۲۴ ټنه مرسته وسپارل شوه!

د هرات ولایت په تورغونډۍ بندر کې د ترکيې د سرې میاشتې له لوري را استول شوې ۷۲۴ ټنه د خوراکي او غیر خوراکي توکو مرسته نن شنبه د رجب د میاشتې پر ۱۰مه، د یاد هېواد د سرې میاشتې د سکرتر جنرال د مرستیال ښاغلي محمد شکرو جان په لاس  د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور ته وسپارل شوه.
د یادې مرستې د تسليمۍ پر مهال د افغاني سرې میاشتې سرپرست عمومي رئیس په خپلو خبرو کې وویل: " اقلیمي بدلون ته په کتو زموږ ګڼ شمیر هېوادوال له بېلا بېلو اقتصادي ستونزو ځورېږي او پراخ لاسنيوي ته اړتیا لري، نوموړي د ترکیې د سرې میاشتې له لوري ترسره شوې مرسته  د اړمنو او بې سرپرست هېوادوالو د لومړنیو اړتیاوو د پوره کولو برخه کې مهمه یاده کړه."
ښاغلي دلاور په خپلو څرګندونو کې وویل، دغه مرسته به په بيړه د هېواد په ۳۴ ولایتونو کې تر مستحقو کسانو ورسول شي او د یادې مرستې ډېره اندازه برخه به د پکتیکا ولایت هغو څلورو فقر او غربت ځپلو ولسواليو کې ووېشل شي، چې وګړي یې له پراخو اقتصادي ستونزو کړېږي.
دا راز نوموړي د ترکیې د سرې میاشتې له دوامداره همکارۍ او ملاتړ څخه مننه وکړه او زیاته یې کړه چې د ترکیې سره میاشت يو له هغو مرستندویه ټولنو ده، چې تل یې په ستونزمنو حالاتو کې له افغاني سرې میاشتې سره اوږه په اوږه د اړمنو، پېښځپلو او بې سرپرسته افغانانو لاسنیوی او مرسته کړې ده. 
ورپسې هرات کې د ترکیې د قونسلګرۍ مسئول او د ترکیې د سرې میاشتې د سکرتر جنرال مرستیال د بېوزلو او بې سرپرسته وګړو د لاسنیوي برخه کې د لا زیاتې همکارۍ د ډاډ څرګندولو ترڅنګ وویل، چې د اسلامي ورورولۍ له مخې به خپلې مرستې او همکارۍ له افغاني سرې میاشتې سره جاري ساتي او زیاته یې کړه چې دغه مرسته د بېلابېلو ترکي خیریه بنسټونو له لوري چمتو شوې ده.

د یادونې وړ ده چې په سپارل شوې مرسته کې (اوړه، خرما، ترپالونه، کمپلې، خیمې، د پخلنځي وسايل، صابون)  او داسې نور بېلابېل د اړتیا وړ توکي شامل دي.

Latest news

Thu, Mar 13 2025 1:14 PM
Background image

Healthcare Services to 29509 Individuals in Balkh Province!

Healthcare Services to 29509 Individuals in Balkh Province!

Over the past 30 days, the medical staff of ARCS besides check-ups provided medication to 8190 individuals in various parts. . .

Wed, Mar 12 2025 9:38 PM
Background image

Food Assistance Distributed to 581 Destitute and Impoverished Families at Kabul Central Marastoon!

Food Assistance Distributed to 581 Destitute and Impoverished Families at Kabul Central Marastoon!

Today, Wednesday, the 12th of March, ARCS with financial support of Türkiye Diyanet. . .

Wed, Mar 12 2025 9:34 PM
Background image

Over 9 Tons of Food Assistance Distributed to Flood-affected Families in Helmand Province!

Over 9 Tons of Food Assistance Distributed to Flood-affected Families in Helmand Province!

Today, Wednesday, the 12th of March, ARCS distributed in total 9.096 tons of food assistance. . .

BACK TO NEWS