سرپرست جمعیت هلال احمر افغاني:
 

درنو هیوادوالو !

السلام علیکم ورحمة الله و برکاته

الله (ج) په خپل سپيڅلي کتاب کېې فرمایلي دي :

وَ مِمَّا رَزَقْناهُمْ يُنْفِقُونَ

" اوله هغه څه مو چې رزق ورکړی، نفقه کوي یې ( صرفوي یې د الله (ج) د رضا لپاره) ."

6 days 21 hours ago

د ځانګړې اونۍ په پار د افغاني سرې مياشتې د سرپرست عمومي رئيس پيغام
الحمد لله الأکرم الذی أمرنا بالجود والکرم ثم الصلواة والسلام علی رسوله الكريم الذی أنفق و أتم، أما بعد: فَأَعُوذُ بِاللَّهِ مِنَ الشَّيْطَانِ الرَّجِيمِ- بِسْمِ اللَّهِ الرَّحْمَنِ الرَّحِيمِ، قَالَ اللهُ عز وجل:
{وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا (8) إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنْكُمْ جَزَاءً وَلَا شُكُورًا (9)} [الدهر: 8-9]
ژباړه: او دوى (مؤمنان) د الله عز وجل په مینه كې مسكین، یتیم او بندي ته خواړه وركوي، دوى وايي: بېشكه همدا خبره ده چې مونږ تاسو ته د الله  په خاطر خواړه دركوو، مونږ له تاسو څخه څه بدله او مننه نه غواړو.
درنو زړه سواندو او خيرپالو هېوادوالو! 
السلام علیکم ورحمة الله وبرکاته.
افغاني سره میاشت له څه کم يوې پېړۍ راهيسې د خپل دیني، ملي او وظیفوي مکلفیت پر بنسټ په ملي او نړیواله کچه د بېوزلو، اړمنو او پېښځپلو د لاسنیوي په برخه کې له تعصب او تبعيض پرته هر اړخیز بشرپال خدمات وړاندې کوي. 

درنو هېوادوالو!

فغاني سره میاشت سږ کال یو ځل بیا د مېزان د مياشتې په 24 مه، د تېر په څېر د افغانستان اسلامي امارت د ملاتړي پیغام په لوستلو سره د هېواد په کچه د مرستې او اعانې راټولونې ځانګړې اونۍ پیلوي، چې د دې ځانګړې اونۍ په لړ کې د یادې خیریه ملي ټولنې کارکونکي، رضاکاران او د ولایتي مجامعو غړي د هېواد له ملي سوداګرو، هټۍ‌والو، د نقلیه وسایطو له څښتنانو، دولتي کارکونکو، زده کونکو، محصلینو او ټولو خیرپالو هېوادوالو څخه د ټکټونو د پلورلو له لارې مرستې راټولوي. د هېواد خیرپاله وګړي او په ځانګړي ډول د ټولڼې بډایه قشر له دې فرصت څخه په ګټې اخیستنې کولی شي، خپلې مرستې په شفاف ډول تر اړمنو، بې ځایه شویو او پېښځپلو ورسوي او د هغوی له ژوند او انساني کرامت څخه ملاتړ وکړي.

شيخ القرآن والحديث شهاب الدين دلاور

د افغاني سرې مياشتې سرپرست عمومي رئيس