کابل؛ د خوندي لاسرسي او بحراني نشراتو په اړه دوه ورځنی روزنیز ورکشاپ پیل شو

arcs_website_admin
دوشنبه ۱۴۰۵/۷/۱۳ - ۱۱:۲۴
K

دوشنبه، ۲۲ ربیع‌الآخر ۱۴۴۸

د افغاني سرې میاشتې د اطلاعاتو او خپرونو ریاست په نوښت او د سره صلیب نړیوالې کمېټې په مالي ملاتړ، د «خوندي لاسرسي د نشراتو ادغام او د بحراني نشراتو معیاري عملیاتي کړنلارې» تر سرلیک لاندې دوه ورځنی روزنیز ورکشاپ پیل شو.

په ورکشاپ کې د افغاني سرې میاشتې د اطلاعاتو او خپرونو ریاست د مرکزي دفتر او سیمه‌ ییزو زونونو نشراتي مدیرانو ترڅنګ، د کارکوونکو چارو، ساتنې او خوندیتوب ریاستونو یو شمېر کارکوونکي هم ګډون لري.

د ورکشاپ د پرانیستې په مراسمو کې د افغاني سرې میاشتې د سکرتر جنرال عملیاتي مرستیال مولوي روح‌ الله عبدالسلام د نشراتو د ارزښت او د خبرونو او راپورونو د خپرولو پر مهال د مسؤولانه چلند په اړه خبرې وکړې.

نوموړي وویل چې د کره، مسؤولانه او پر وخت معلوماتو خپرول د عامه پوهاوي په لوړولو او د خلکو د باور په پیاوړتیا کې مهم رول لري او له ګډونوالو یې وغوښتل چې په نشراتي چارو کې دقت او مسؤولیت ته ځانګړې پاملرنه وکړي.

د افغاني سرې میاشتې د نشراتو آمر مولوي یحیی رحیمي هم د ورکشاپ ګډونوالو ته وینا وکړه او د بشري خدمتونو په برخه کې یې پر صداقت، اخلاص او امانتدارۍ ټینګار وکړ.

په دغه روزنیز ورکشاپ کې به ګډونوالو ته د خوندي لاسرسي د نشراتو د ادغام، د بحراني حالاتو پر مهال د نشراتي چارو د مدیریت، د ساتنې او خوندیتوب او نورو اړوندو ریاستونو سره د همغږۍ او د بحراني نشراتو د معیاري عملیاتي کړنلارې په اړه لازم معلومات او عملي زده‌ کړې ورکړل شي.

تازه خبرونه

شنبه ۱۴۰۵/۸/۳۰ - ۱۴:۲۵
Background image

بامیانو کې د شونډو او تالو چاود لرونکو ۲۰۰ ماشومانو ته وړیا جراحي عملیات ترسره شول

شنبه، ۱۰ جمادى ‌الآخره ۱۴۴۸

د جرمني هېواد د شونډو او تالو چاود په برخه کې متخصصو روغتیاپالانو د آغا خان بنسټ په ملاتړ په بامیان ولایت کې د دغو ناروغیو لرونکو ۲۰۰ ماشومانو وړیا جراحي. . .

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

BACK TO NEWS