ارزګان؛ د اورلګېدنې له امله زیانمنې کورنۍ ته غیر خوراکي توکي ورکړل شول
پنجشنبه، ۴ ربیع الآخر ۱۴۴۸
د افغاني سرې میاشتې له لوري په ارزګان ولایت کې د اورلګېدنې له امله یوې زیانمنې کورنۍ ته غیر خوراکي توکي ورکړل شول.
په دې مرسته کې یادې کورنۍ ته د بېړنیو اړتیاوو د پوره کولو په موخه څلور کمپلې، یو ترپال، د پخلنځي د توکو یو سیټ او درې د اوبو بوشکې ورکړل شوې.
افغاني سره میاشت هڅه کوي، چې د بېړنیو پېښو له امله زیانمنو شویو کورنیو ته پر وخت د اړتیا وړ بشري مرستې ورسوي او د هغوی د لومړنیو اړتیاوو په پوره کولو کې اغېزمنه ونډه واخلي.
