فراه؛ له ۱،۰۰۰ راستنو شویو کورنیو سره د غیر خوراکي توکو مرسته وشوه
شنبه، ۲۴ شوال ۱۴۴۷
د افغاني سرې میاشتې له لوري د فراه ولایت په مرکز کې د بېلابېلو ناحیو ۱،۰۰۰ راستنو شویو کورنیو سره د غیر خوراکي توکو مرسته وشوه.
په مرسته کې هرې کورنۍ ته ۲ کمپلې، د ماشومانه، نارینه او ښځینه وو جمپرونه، بنیانونه، دستکشې، جورابې، څادرونه، بوټان او یو شمېر نور اړین توکي ورکړل شول.
دغه مرسته د راستنو شویو هېوادوالو د اساسي اړتیاوو د پوره کولو په موخه ترسره شوه.
افغاني سره میاشت د راستنو شویو هېوادوالو د ملاتړ او د هغوی د ژوند د ښه والي لپاره ورته بشري مرستې په دوامداره توګه برابروي.
