افغانستان کې د نړیوال فدراسیون د پروګرامونو مسؤول د سرې میاشتې له مشرتابه سره تودیعي ناسته وکړه
چهارشنبه، ۵ جمادى الآخره ۱۴۴۷
د ملي ټولنو نړیوال فدراسیون د پروګرامونو مسؤول ښاغلي احمد سلیمان په افغانستان کې د خپل ماموریت د پای ته رسېدو په مناسبت د افغاني سرې میاشتې له عمومي رئیس ښاغلي شیخ الحدیث شهاب الدین دلاور سره د مخه ښې په موخه ناسته وکړه.
ناسته کې عمومي رئیس د پېښو زیانمنو ته د بشري مرستو د جلب او همکاریو برخه کې د ښاغلي سلیمان نه ستړې کېدونکې هڅې او صادقانه خدمتونه وستایل او د الله تعالی له دربار څخه یې ورته په راتلونکي کې د لا زیاتو بریاوو او عظیم اجر غوښتنه وکړه.
دغه راز ښاغلي سليمان وويل، د ګډو بشري فعالیتونو د ترسراوي برخه کې د افغاني سرې میاشتې د مشرتابه ملاتړ او د کاري ټیم منظمې هڅې د هغه د ماموریت په بريا کې مهم رول درلود، چې له همدې امله له سرې مياشتې د زړه له تله مننه کوم.
