سرپرست عمومي رئیس د افغانستان لپاره د ملي ټولنو نړیوال فدراسیون له نوي مسئول سره وکتل

arcs_website_admin
سه‌شنبه ۱۴۰۴/۳/۱۳ - ۱۰:۵۱
خبرونه

سرپرست عمومي رئیس د افغانستان لپاره د ملي ټولنو نړیوال فدراسیون له نوي مسئول سره وکتل

سه شنبه، ۶ ذوالحجه ۱۴۴۶
د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن د افغانستان لپاره د ملي ټولنو د نړیوال فدراسیون له نوي ګمارل شوي مسئول ښاغلي سمع الفخوري سره د نوموړي د مرستیال ښاغلي احمد سلیمان په شتون کې وکتل.

کتنه کې سرپرست عمومي رئیس له افغاني سرې میاشتې سره د بشري خدماتو او فعالیتونو په برخه کې په افغانستان کې د نړیوال فدراسیون د اوږد مهاله مالي ملاتړ او د مخکيني مسئول د کارونو او غوره همغږۍ مننه وکړه، ښاغلي سمع الفخوري ته یې د نوي ورسپارل شوي مسئولیت مبارکي وویله او په چارو کې یې له الله جل جلاله څخه ورته د غوره خدمت او کامیابۍ غوښتنه وکړه.

دا راز ښاغلي دلاور  د هېواد په کچه د خپلواکۍ او ناپلوۍ اصولو ته پر ژمنتیا د وړاندې کېدونکو خدماتو او په ټولنه کې د افغاني سرې میاشتې د نارینه او ښځینه رضاکارانو د اهمیت په اړه له ښاغلي سمع الفخوري سره بشپړ معلومات شریک کړل او د اړمنو، بې سرپرسته کورنیو، راستنېدونکو کډوالو او ناروغانو لپاره یې د پراخو همکاریو غوښتنه وکړه.

ورپسې په افغانستان کې د نړیوال فدراسیون مشر د بشري خدماتو په برخه کې د افغاني سرې میاشتې د رهبرۍ له هڅو ستاینه وکړه، د اړمنو وګړو د لاسنیوي لپاره یې د نړیوالو سفارتونو او ملي ټولنو له لارې د مرستو راجلبولو سربیره د ګډو فعالیتونو د لا ښه والي، اغېزمنتیا او بشري مرستو د پراختیا ډاډ څرګند کړ.

تازه خبرونه

شنبه ۱۴۰۵/۸/۳۰ - ۱۴:۲۵
Background image

بامیانو کې د شونډو او تالو چاود لرونکو ۲۰۰ ماشومانو ته وړیا جراحي عملیات ترسره شول

شنبه، ۱۰ جمادى ‌الآخره ۱۴۴۸

د جرمني هېواد د شونډو او تالو چاود په برخه کې متخصصو روغتیاپالانو د آغا خان بنسټ په ملاتړ په بامیان ولایت کې د دغو ناروغیو لرونکو ۲۰۰ ماشومانو وړیا جراحي. . .

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

BACK TO NEWS