د جنسیتي تاوتریخوالي پروړاندې د کابل ښار د بیلابیلو ناحیو، ولسوالیو او کلیو د مشرانو لپاره ښوونیز ورکشاپ!
د کابل ښار په بیلابیلو ناحیو، ولسوالیو او کلیو مشرانو ته د جنسیتي تاوتریخوالي په اړه یوه ورځنی ښوونیز ورکشاپ په افغانستان کې د نړیوال فدراسیون په تخنیکي او د کویټ سرې میاشتې په مالي مرسته د افغاني سرې میاشتې ټولنې د سکرټرجنرال د مرستیال ښاغلي نوروزعلي علیزاده او کابل مرستون د ریس ښاغلي محمد سلیم وردک په حضور کي، د روان ۱۳۹۹ کال د مرغومي پر لومړۍ نیټه په کابل مرستون کې پرانیستل شو.
د افغاني سرې میاشتې ټولنې د سکرټرجنرال مرستیال ښاغلي علیزاده صاحب په خپلو خبرو کې ټینګار وکړ او له مشرانو څخه یې هیله وکړه، چې د مېرمنو د پرځان بسیایني پروژو په پلي کیدو کې اړینې مرستې وکړي؛ ترڅو له همدې لارې، له جنسیتي توپیر پرته د یادو پروژو څخه ګټه اخیستونکي خپلې اقتصادي خپلواکۍ ته ورسیږي.
د یادونې وړ ده چې د میرمنو د پرځان بسیایني ۵۵ ډوله پروژې څه موده وړاندې د هیواد په بیلابیلو ولایتونو کې د سرې میاشتې له لوري پر لار اچول شوي دي، چې له لارې به یي هغه بې وزله، کونډې او اړې میرمنې چې د اقتصادي ستونزو سره لاس او ګریوان دي، د کار او عاید څښتنې شي.
د ورکشاپ غړو مشرانو د یادو پروژو د پلي کیدو او شفافیت څخه ډاډ ورکړ او همدارنګه یې د کابل په بیلابیلو سیمو کې د اړمنو وګړو لپاره د لا نورو پروژو غوښتنه وکړه.
