سرپرست عمومي رئیس په افغانستان کې د نړيوال فدراسيون له مسٸول سره وکتل!
سرپرست عمومي رئیس په افغانستان کې د نړيوال فدراسيون له مسٸول سره وکتل!
نن سه شنبه د ذوالقعدې میاشتې پر لومړۍ نېټه، د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور په خپل کاري دفتر کې په افغانستان کې د نړيوال فدراسيون له سرپرست مسٸول ښاغلي احمد سليمان سره ناسته ترسره کړه.
لیدنه کې دواړو لوریو د بشري خدمتونو د لا ښه والي، پراختیا، چټکتیا او ګډو پروژو په اړه بحث او خبرې وکړې.
دا راز ښاغلي دلاور په خپلو څرګندونو کې د نړیوال فدراسیون له اوږدمهاله مرستو د مننې ترڅنګ د مرستو د ډېروالي غوښتنه وکړه او زياته يې کړه چې مرستې به یې په بشپړ شفافیت او روڼتيا تر اړمنو او بېوزلو وګړو رسېږي.
ورپسې په افغانستان کې د نړيوال فدراسيون سرپرست مسٸول له دې ملي ټولنې سره په ګډه د بشرپالو فعالیتونو د پر مخ بېولو ژمنه وکړه او ډاډ یې وړاندې کړ چې د اړمنو او ناچاره هېوادوالو د لاسنيوي او ملاتړ برخه کې به خپلې مرستې لا پراخې کړي.
