بهر مېشتو افغان علمي شخصيتونو د افغاني سرې مياشتې د بشرپاله فعاليتونو د ملاتړ ډاډ څرګند کړ!
بهر مېشتو افغان علمي شخصيتونو د افغاني سرې مياشتې د بشرپاله فعاليتونو د ملاتړ ډاډ څرګند کړ!
یو شمیر بهر میشتو افغان علمي شخصيتونو د افغاني سرې میاشتې په مرکزي دفتر کې له سرپرست عمومي رئیس ښاغلي شیخ الحدیث شهاب الدین دلاور سره د هیواد په کچه د يو شمېر موضوعاتو په اړه د بحث ترڅنګ د اړمنو او بې وزلو افغانانو د لاسنيوي په پار د مرستو د جذب او د افغاني سرې میاشتې د بشرپاله فعاليتونو د ملاتړ په موخه نن یکشنبه د شوال میاشتې پر ۲۲مه، ناسته وکړه.
ناسته کې د هېواد په روان وضعیت او د افغاني سرې میاشتې د فعالیتونو په اړه د هر اړخيز بحث ترڅنګ بهر مېشتو افغان علمي شخصيتونو د افغاني سرې میاشتې د بشرپاله خدماتو ستاينه وکړه او ددې خيريه ملي ټولنې د ملاتړ په برخه کې يې په بهر کې د مرستو د جلب په اړه هيله څرګنده کړه.
