د افغاني سرې میاشتې رهبرۍ د مرکزي رياست مسؤولينو سره د ښې همغږۍ په موخه اداري ناسته ترسره کړه!
د افغاني سرې میاشتې رهبرۍ د مرکزي رياست مسؤولينو سره د ښې همغږۍ په موخه اداري ناسته ترسره کړه!
نن چهارشنبه د شعبان د میاشتې پر ١٣مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور او د نوموړي مرستیال ښاغلي الحافظ عزیز الرحمن د دې خیریه ملي ټولنې د مرکزي دفتر د رئیسانو او مستقلو آمريتونو له آمرينو سره اداري ناسته وکړه.
ناسته کې سرپرست عمومي رئیس د چارو او فعاليتونو په برخه کې د ښې همغږۍ د رامنځته کولو په موخه د مسٸولينو ترمنځ اداري جلسې مهمې يادې کړې او زياته يې کړه چې د افغاني سرې مياشتې هر مسٸول او کارکوونکى بايد هېوادوالو ته پر وخت او ښه شکل د خدماتو په وړاندې کولو کې ژمن اوسي او اړونده چارې بايد په بشپړ شفافيت، عدالت او اخلاص ترسره کړي.
ناسته کې د افغاني سرې مياشتې د کابل د مرکزي شفاخانې د نوي تعمير پر رغولو، ددې خيريه ملي ټولنې له املاکو د ښې استفادې، د بشرپالو مرستو د جذب، د اړمنو او بې وزله هېوادوالو ستونزو ته پر وخت د ځواب وينې او يو لړ نورو مهمو موضوعاتو په اړه بحث ترسره او په اړه يې لازمې پرېکړې وشوې.
