د افغاني سرې میاشتې د مقام نوى سلاکار معرفي شو!
د افغاني سرې میاشتې د مقام نوى سلاکار معرفي شو!
نن د جمادي الآخر د میاشتې پر ۳۰ مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور ددې خیریه ملي ټولنې د څانګو رئیسانو او یو شمېر کارکوونکو ته ښاغلی قاضي مولوي روح الله د خپل نوي سلاکار په توګه ورمعرفي کړ.
په همدې تړاو جوړه شوې غونډه کې د افغاني سرې میاشتې سرپرست عمومي رئیس د یاد سلاکار د علمي وړتياوو، استعداد او صداقت په هکله د معلوماتو ترڅنک په اداري بستونو د وړ، مستعدو او بامسئولیته اشخاصو ټاکنه د یوې ادارې د چارو د پرمختګ او ودې اساس وباله، نوموړي په خپلو څرګندونو کې وویل: " هېڅ کله باید د یوې ادارې د پراختیا او ښه والي په پار ګمارنو کې خپلوي ونه پالل شي او موږ تل دا هڅه کړې، څو ددې ادارې د فعاليتونو د پراختیا او ځواکمنتیا لپاره په ګمارنو کې وړ او با استعداده کسانو ته لومړیتوب ورکړو."
