کابل!
افغاني سرې میاشتې د سوري زړه په ناروغۍ اخته ۱۹ تنه ماشومان، پلازمېنه کابل کې؛ ګلوبل، باسط او فرانسویانو روغتونو ته د عملیاتو او درملنې په موخه ور وپېژندل. افغاني سرې میاشتې په تېرو څو میاشتو پلازمېنه کابل کې، د درملنې په موخه د سوري زړه په ناروغۍ اخته ۵۷۴ ماشومان بېلابېلو روغتونونو ته پېژندلي. د يادونې وړ ده چې د سوري زړه په ناروغۍ د هر ناروغ د درملنې لګښت شاوخوا ۲۱۰۰۰۰ تر ۷۵۰۰۰ افغانیو پورې دی، چې د افغاني سرې میاشتې له لوري تادیه کېږي. ددې تر څنګ د درملنې پر مهال د ناروغ د پایواز لګښت هم د سرې مياشتې لخوا تادیه کيږي.
