جوزجان، لوګر او کندهار!
روغتيا د انسانانو بنسټیز حق دى! افغاني سره میاشت د هېواد په ۳۴ ولایتونو کې په لسګونه ګرځنده روغتیایي ټیمونه لري، چې په وړیا ډول له روغتیایي مرکزونو لرې پرتو سیمو کې د بېوﺯلو خلکو درملنه او روغتیا پالنه کوي. په همدې تړاو نن د سه شنبې په ورځ د جمادی الثاني په ۱۰مه، افغاني سرې میاشتې ګرځنده روغتیایې ټیمونه، د جوﺯجان ولایت فيض آباد او آقچې ولسواليو او همدارنګه د لوګر ولایت مرکز اړوند د کارته مامورینو ښارګوټي کې، اړمنو هيوادوالو ته په وړیا ډول، روغتيايي خدمات وړاندې کوي. په ورته مهال د افغاني سرې میاشتې له لورې کندهار ولایت کې، ۴۰ تنه ډاکټرانو ته د ظرفيت د پياوړتيا په موخه د روغتیایې، اداري، او معلوماتي (HMIS) سیستم په اړه، شپږ ورځنى ورکشاپ پیل شو.
