د افغاني سرې میاشتې سرپرست عمومي رییس ښاغلی مولوي مطیع الحق خالص او سکرتر جنرال محمد نبي برهان نن دوشنبه جینوا ته په سفر لاړل!
ددې سفر پر مهال به د افغاني سرې میاشتې عمومي رییس د ملي ټولنو په دوه سترو ناستو کې ګډون وکړي او د افغاني سرې میاشتې موخې، پالیسۍ او پلانونه به شریک کړي.
پر دې سربېره به افغانستان ته د بشري مرستو د جلب په موخه د ګڼو خیریه او ملي ټولنو له استازو او مشرانو سره ګڼې ناستې ترسره کړي او نړیوال به وهڅوي، چې د افغانستان اوسنی حالت درک کړي او بشري مرستې پراخې کړي.
