کندز ولايت کې ۲۲۴۳۶ کسانو ته روغتیایي خدمات وړاندې شوي!
کندز ولايت کې ۲۲۴۳۶ کسانو ته روغتیایي خدمات وړاندې شوي!
د افغاني سرې میاشتې روغتيايي کارکوونکو د کندز ولايت په بېلابېلو سيمو کې د تېرو ۳۰ ورځو په ترڅ کې ۳۵۶۳ تنو ته د کتنې ترڅنګ د اړتیا وړ درمل ورکړي؛ د ۸۵ تنو ټپیانو پانسمان، ۲۸۶۴ مېرمنو او ماشومانو ته د بیلا بیلو ناروغیو د مخنیوي په برخه کې د واکسینونو تطبیق، ۱۴۰۷۹ کسانو ته د روغتیا ساتنې په تړاو اړینې مشورې، ۶۹۳ مېرمنو ته د زیږون په برخه کې خدمات، ۹۰۵ خوارځواکو ماشومانو ته د خوارځواکۍ اړوند خوراکي توکي او ۲۴۷ تنو مېرمنو ته د کورني تنظیم د چمتووالي په برخه کې لازمې مشورې هم ورکړې دي.
