د افغاني سرې میاشتې سرپرست عمومي رئیس د المان سولې کلي د مرستندوى بنسټ له مالي مسٸول او مل پلاوي سره وکتل
د افغاني سرې میاشتې سرپرست عمومي رئیس د المان سولې کلي د مرستندوى بنسټ له مالي مسٸول او مل پلاوي سره وکتل
نن دوشنبه د جمادي الأولى د میاشتې پر ٢مه ، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور په خپل کاري دفتر کې د المان د سولې کلي بنسټ د مالي برخې له مسٸول ښاغلي ين يسن او مل پلاوي سره د ګډو همکاريو د لا پياوړتيا او بشرپالو فعاليتونو په برخه کې د مرستو د دوام او ښې همغږۍ رامنځته کولو په موخه ناسته ترسره کړه.
کتنه کې د افغاني سرې مياشتې سرپرست عمومي رئيس د ياد بنسټ استازو ته د ښه راغلاست ويلو ترڅنګ د سرې مياشتې له لوري د ترسره کېدونکو بشرپاله، روغتيايي او ښوونيزو فعاليتونو په اړه معلومات وړاندې کړل او زياته يې کړه چې افغاني سره مياشت د خپلو روغتيايي خدمتونو تر چتر لاندې د سوري زړه په رنځ د اخته ناروغانو د درملنې ترڅنګ د رواني ناروغانو د ساتنې او درملنې مرکزونه هم لري، چې اوسمهال پکې په سلهاوو رواني ناروغان تر درملنې لاندې دي، دا راز ښاغلي دلاور د ياد خيريه بنست له استازو وغوښتل، څو له افغاني سرې مياشتې سره د مالي ملاتړ او ګډو هڅو په برخه کې خپلو همکاريو ته دوام ورکړي.
ورپسې ښاغلي ين يسن د افغاني سرې مياشتې د سرپرست عمومي رئیس په ليدو خوښي څرګنده کړه او د سرې مياشتې فعاليتونه يې د يو خپلواک بشرپال او ملي بنسټ په توګه وستايل، ترڅنګ يې ښاغلي يسن د المان د سولې کلي بنسټ له لوري د خپلو روانو پروژو او ترسره کړو فعاليتونو په اړه مفصل معلومات وړاندې کړل او ژمنه يې وکړه چې له افغاني سرې مياشتې سره به د اوږد مهاله همکاريو سربېره خپلو بشرپالو مرستو ته دوام ورکړي.
https://youtube.com/@ARCSAfghanistan
