کونړ کې پر ۳۵۰ زلزله ځپلو کورنیو د لمریزې برښنا اړوند توکي ووېشل شول
شنبه، ۱۲ شعبان ۱۴۴۷
د افغاني سرې میاشتې له لوري د کونړ ولایت، د څوکۍ ولسوالۍ د زلزله ځپلو لپاره په جوړ شوي پنډغالي کې پر ۳۵۰ زیانمنو شوو کورنیو د برښنايي آسانتياوو د برابرولو په موخه د لمریزې برښنا اړوند ۹ قلمه توکو مرسته ووېشل شوه.
په مرسته کې هرې کورنۍ ته یو سولري تخته، بطرۍ، باد پکه، ولډر، کنټرولر، لس متره برقي تار، ۳ بوتله تېزاب او دوه څراغونه ورکړل شول.
د یادونې وړ ده، چې څه موده وړاندې هم په یاد پنډغالي کې پر ۶۵۰ زلزله ځپلو کورنیو ورته مرسته وېشل شوې وه.
