کندوز!
افغاني سره میاشت د هېواد په هغو سیمو کې چې وګړي یې روغتیایي خدماتو ته لاسرسی نه لري؛ د ګرځنده روغتیایي ټيمونو له لارې روغتيايي وړيا خدمات ترسره کوي، يو له دغو ټيمونو په کندوز ولايت کې د افغاني سرې میاشتې ګرځند روغتیایي ټیم دی، چې له تېرو شلو ورځو راهيسې (له ۱۶ صفر تر ۵ د ربيع الأول) يې د امام صیب ولسوالۍ په بېلا بېلو کليو او سيمو کې ټولټال ۳۴۵۶ تنو ته په وړيا توګه روغتیایي خدمات ترسره کړي، چې له دې جملې یې د ۷۲۵ ناروغانو کتنه او درملنه کړې، ۱۹ ټپيان یې پانسمان کړي، ۲۸۶ ماشومانو او ښځو ته یې بېلا بېل واکسینونه تطبیق کړي،۱۵۳ تنه ښځو ته د ولادت په برخه کې روغتیایي خدمات وړاندې کړي، ۵۸ حامله وو ښځو د کورني تنظیم اړوند اړينې مشورې او درمل ورکړي، د دې تر څنګ يې ۲۲۱۵ هېوادوالو ته د روغتيا ساتنې په اړه عامه پوهاوی ورکړی.
