کابل!
افغاني سرې میاشتې هغو هیوادوالو ته چې په شخصي روغتونونو کې د درملنې د لګښت توان نه لري وړیا روغتیایي مرکزونه رامنځته کړي دي. چې په ورځينۍ توګه اړمنو، پېښځپلو او بې وسه وګړو ته په بېلابېلو برخو کې روغتيايي خدمات وړاندې کوي. د يادو روغتيايي مرکزونو له جملې څخه د کابل ولايت روغتيايي مرکزونه دي، چې په تېره يوه مياشت کې يې ټولټال ۲۱۴۳۴ هېوادوالو ته په بېلابېلو برخو کې روغتيايي خدمات وړاندې کړي، چې له جملې يې ۶۷۷۰ تنو درملنه شوې، د ۱۰۳۸ تنه ټپيانو پانسمان شوی، ۴۹۱۲ ښځو او ماشومانو ته واکسين تطبیق شوی، ۷۱۹۲ تنو ته روغتيايي مشورې ورکړل شوي، ۱۱۴۲ تنه ښځو ته له زېږون وړاندې او وروسته د روغتيا ساتنې اړوند لارښوونې شوې دي او ۳۸۰ په خوار ځواکۍ اخته ماشومانو ته ځانګړي خوراکي توکي ورکړل شوي دي.
