په سمنګان ولایت کې د ” ١٨٩٠٠٠ “میوه لرونکو نیالګیو ویش!
د افغاني سرې میاشتې ټولڼې له لوري د روان ١٣٩٩ لمریز کال د کب په ١٤ نېټه، د یاد ولایت د حضرت سلطان او خرٌم و سرباغ ولسوالیو په لسو کلیو کې د اقلیمي بدلون پر وړاندې د چاپیریال د پیاوړتیا په موخه؛ څه باندې ٨٧٦ کورنیو ته د ” ١٨٩٠٠٠ “ میوه لرونکو ( بادام، مڼې او پستې) نیالګیو د ویش لړۍ، د چاپان سره صلیب کمیټې په مالي ملاتړ د سمنګان ولایت د کرهڼې او چاپېریال ساتنې د مسؤلینو په حضور کې پیل شو چې څلور ورځې په دوام و مومي.
