پروان ولایت کې ۴۰۰ کورنیو ته مرسته ووېشل شوه!
نن سه شنبه د روان ۱۴۰۱ لمریزکال د وري میاشتې پر ۲۳ مه نېټه د افغاني سرې میاشتې ټولنې له لوري د پروان ولایت نماینده ګۍ په انګړ کې د غوربند شینواري ولسوالۍ ۴۰۰ اړمنو او بېوزله کورنیو ته د خوراکي او غیر خوراکي توکو مرسته ووېشل شوه.
یاده مرسته چې د ترکیې هېواد د سرې میاشتې له لوري رالېږل شوې وه؛ هرې کورنۍ ته په کې ۲۵ کیلو اوړه، ۵ کیلو مکروني، ۵ کیلو وریژې، ۱ کیلو لوبیا، ۲ کیلو نخود، ۲ کیلو ترمیده اوړه، ۱ کیلو چای، ۱ کیلو عدس، ۱ کیلو رُب، ۱ کیلو مالګه او غیر خوراکي توکو کې ۷ د ماشومانو پطلنونه، ۲ تختې کمپلې او یو د لویانو پطلون شامل وو.
