هلمند کې د افغاني سرې میاشتې له لوري له ۵۰۰ نورو اړمنو کورنیو سره مرسته وشوه!
د هلمند ولایت په مرکز لښکرګاه ښار کې نن د روان ۱۴۰۰ لمریز کال د مرغومي پر ۱۳مه د افغاني سرې میاشتې له لوري له ۵۰۰ نورو اړمنو کورنیو سره د خوراکي او غیر خوراکي توکو مرسته وشوه.
یاده اته قلمه مرسته چې د نړیوال فدراسیون له لوري چمتو شوې؛ په کې ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو شین چای، ۳ کیلو مالګه او یو پاکټ BP۵ بیسکوټ شامل دي.
پرون هم د هلمند ولایت په مرکز لښکرګاه کې ۵۰۰ اړمنو کورنیو ته د افغاني سرې میاشتې له لوري یاده مرسته ویشل شوې وه. ټاکل شوې چې د افغاني سرې میاشتې له لوري به په څو ورځو کې دننه په هلمند ولایت کې ټولټال ۳۰۰۰ اړمنو کورنیو ته یاده مرسته وویشل شي، چې په کې به ۱۵۰۰ کورنیو ته د هلمند ولایت په مرکز لښکرګاه کې او پاتې ۱۵۰۰ مرستې د هلمند ولایت په څو ولسوالیو کې وویشل شي.
