هلمند کې افغاني سرې میاشتې ۵۰۰ کورنیو ته د مرستو ویش پیل شو!
نن پنجشنبه د روان ۱۴۰۰ لمریز کال د سلواغې پر ۱۴مه نېټه هلمند ولایت کې د افغاني سرې میاشتې له لوري ۲۵۰ کورنیو سره د خوراکي او غیر خوراکي توکو د مرستې پر ویش په هلمند ولایت کې ۵۰۰ کورنیو ته د مرستې ویش پیل شو.
یاده مرسته وچکالۍ ځپلیو، جنګ ځپلیو، بې وزله او بې سرپرسته کورنیو ته ویشل کېږي، چې پاتې ۲۵۰ کورنیو سره به سبا د جمعې په ورځ مرسته ترسره شي. په دې مرسته کې اته قلمه خوراکي توکي شتون لري، چې په کې یو ژمنی کیټ، یو نظافتي کیټ، ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۵ کیلو بوره، ۷ کیلو لوبیا، ۱ کیلو چای، ۳ کیلو مالګه او یو ډبی بي پي ۵ بسکوټ شامل دي.
په ژمني کیټ کې ۱۴ جوړي جرابې، ۴ د ماشومانو کوټونه، ۲ د لویانو کوټونه، ۱ښځینه ټیکری، ۱ د سړیو پټو، ۲ جوړه بوټان، ۴ جوړې دستکشې شامل دي. په نظافتي کیټ کې د اوبو ۲ شل لیتره ډبې، ۱ د اوبو سطل، ۷ د ځان وینځلو ډیټول صابونونه، ۷ د کالیو وینځلو صابونونه او یو شمېر نور توکي شامل دي.
