هرات!
د زلزله ځپلو لاسنیوې د افغاني سرې میاشتې لومړيتوب دی، د همدې موخې په پار افغاني سرې مياشتې د تېرو مرستو پر دوام يو ځل بيا د ربيع الاول پر ۳۰مه د هرات ولایت د زنده جان ولسوالۍ په بېلابېلو کلیو کې پر ۱۰۸۹ زلزله ځپلو کورنیو د غيرې خوراکي توکو سربېره ۴۰ ټنه د خوراکي توکو مرسته ووېشله. په وېشل شوې مرسته کې د اوړو، غوړيو، بورې، لوبیا، وريژو، خُرما، روب، مکرونيو، چای او بیسکوټو ترڅنګ ټولټال ۱۱۴۸ کمپلې، ۴۷۵ د پخلنځي د توکو بستې، ۲۲۰ د اوبو بوشکې، ۲۳۰ ترپالونه، ۲۲۷ ګاز ډبې، ۲۲۷ پلاستیکي فرشونه،۲۲۷ د روغتیا ساتنې بستې، ۲۲۷ جاروګانې، د ژمنۍ البسې ۲۲۷ بستې او ۲۲۷ د خوړو چمتو کولو ديګونه شامل وو.
