ننګرهار کې د يوې بې وزلې او اړمنې کورنۍ رواني ناروغ د رواني ناروغانو د ساتنې او درملنې مرکز ته ولېږدول شو!
ننګرهار کې د يوې بې وزلې او اړمنې کورنۍ رواني ناروغ د رواني ناروغانو د ساتنې او درملنې مرکز ته ولېږدول شو!
د رمضان د میاشتې پر ۳مه، د افغاني سرې مياشتې د سرپرست عمومي رئیس ښاغلي شيخ الحديث شهاب الدين دلاور د حکم پر بنسټ د ختيځ زون رواني ناروغانو د ساتنې او درملنې مرکز ته هغه رواني ناروغ د پالنې او درملنې په موخه ولېږدول شو، چې کورنۍ يې د ننګرهار د شيرزادو ولسوالۍ په يوې لرې پرتې سيمه (اشپهان) کې اوسېده او د ډېرې ناچارۍ او فقر له امله د ياد ناروغ د درملنې په برخه کې له ستونزو او کړاوونو سره لاس او ګرېوان وه.
د يادونې وړ ده، چې تېره ورځ د اېکس (ټويټر) په ټولنيزې رسنۍ کې د ياد ناروغ په اړه يوه ويډيو خپره شوې وه چې په کې يوه اړمنه کورنۍ له رواني ناروغ څخه کړېږي او د درملنې وس او توان يې نه لري او د افغاني سرې مياشتې غوښتنه شوې وه څو د نوموړي د درملنې په برخه کې يې د کورنۍ لاسنيوى وکړي، په همدې موخه د افغاني سرې مياشتې کارکوونکو د محترم مقام د حکم پر اساس يادې کورنۍ ته رسيدنه وکړه او رواني ناروغ يې د درملنې په موخه ننګرهار کې د ختيځ زون په کچه د رواني ناروغانو د ساتنې او درملنې مرکز ته ولېږداوه.
