میدان وردګ؛ ښوونیز مرکز کې له زده کوونکو آزموینه واخیستل شوه
یکشنبه، ۲۱ ربیع الأول ۱۴۴۷
د افغاني سرې میاشتې له لوري د میدان وردګ ولایت د ځوانانو او رضاکارانو په ښوونیز مرکز کې له ۳۲ تنو زده کوونکو څخه د انګلیسي مضمون د پنځم کتاب وروستۍ آزموینه واخیستل شوه، چې له جملې به یې بریالي زده کوونکي د انګلیسي د شپږم کتاب زده کړه پیل کړي.
د یادونې وړ ده، چې اوسمهال په یاد ښوونیز مرکز کې ۲۲۵ تنو هغو زده کوونکو ته چې په شخصي ښوونیزو مرکزونو کې د فيس ورکولو توان نه لري؛ د سیرت النبيﷺ، تعلیم الاسلام، لیک لوست، انګلیسي او کمپیوټر برخو کې په وړیا ډول زده کړې ورکول کېږي.
