لوګر!
افغاني سرې مياشتې په ټول هېواد کې هېوادوالو ته د روغتيايي خدماتو ترسره کولو په موخه ګرځند، ثابت او فرعي کلينيکونه رامنځ ته کړي، چې په ورځينۍ توګه اړمنو، پېښځپلو او بې وسه وګړو ته په بېلابېلو برخو کې روغتيايي خدمات وړاندې کوي.د يادو روغتيايي مرکزونو له جملې څخه يو هم د لوګر ولايت روغتيايي مرکزونه دي، چې د روان کال په ربيع الاول مياشت کې يې ټولټال ۷۲۶۳ تنه وګړو ته په بېلابېلو برخو کې روغتيايي خدمات ترسره کړي. د لوګر ولايت په روغتيايي مرکزونو کې ۳۳۵۴ تنو ته تر کتنې وروسته درمل ورکړل شوي،د ۲۷۸ تنه وګړو پانسمان شوی، ۳۵۹ ښځو او ماشومانو ته واکسين تطبیق شوی، ۲۹۸۰ تنو ته روغتيايي مشورې او ۲۹۲ تنه ښځو ته له زېږون وړاندې او وروسته د روغتيايي ساتنې اړوند لارښوونې شوې دي.
