زلزله ځپلي او د ژمي ساړه؛ کونړ کې پر ۱۱۸ کورنیو ژمنۍ او بشري مرسته ووېشل شوه

سې شنبه، ۸ شعبان ۱۴۴۷
 د افغاني سرې میاشتې له لوري د کونړ ولایت، څوکۍ ولسوالۍ کې پر ۱۱۸ زلزله ځپلو کورنیو له سړې هوا څخه د ځان د ښې ساتنې په موخه ۶ قلمه ژمنۍ او بشري مرسته ووېشل شوه.
په مرسته کې هرې کورنۍ ته ۲ کمپلې، ۱ د پخلنځي د توکو سیټ، ۱ د اوبو سطل، ۱ څراغ، ۱ د روغتیا ساتنې بسته او ۲ د اوبو بوشکې ورکړل شوې.
یاده مرسته د زلزله ځپلو کورنیو د ورځنيو اړتیاوو د پوره کولو او د ژمي له سړو څخه د مخنیوي په موخه ترسره شوه.
کوم ځای کې چې زلزله زیانونه واړوي، هلته افغاني سره میاشت تر هر چا وړاندې د زیانمنو شوو خدمت او لاسنیوي ته ځان رسوي.