زابل ولایت کې د افغاني سرې میاشتې له لوري له ۳۵۰ اړمنو کورنیو سره مرسته وشوه!
پرون د روان ۱۴۰۰ لمریز کال د مرغومي پر ۸مه د زابل ولایت په میزان ولسوالۍ کې د افغاني سرې میاشتې له لوري له ۳۵۰ جنګ ځپلو، وچکالۍ ځپلو، بې ځایه شویو او بې سرپرسته کورنیو سره د خوراکي او غیرخوراکي توکو مرسته وشوه.
یاده مرسته چې د کویت او قطر هېوادونو له لوري افغاني سرې میاشتې ته سپارل شوې وه؛ په کې ۲۰ کیلو اوړه، ۱۰ کیلو وريژې، ۵ کیلو دال، ۵ کیلو بوره، ۵ لیتره غوړي، چاي او يو نظافتي کیټ شامل دي. ټاکل شوې، چې سبا به هم په زابل ولایت کې د افغاني سرې میاشتې له لوري نوره مرسته اړمنو کورنیو ته وویشل شي. په پام کې ده په څو ورځو کې دننه به په زابل ولایت کې ټولټال ۱۰۰۰ اړمنو کورنیو ته د قطر او کویت رالېږلې مرسته د افغاني سرې میاشتې له لوري وویشل شي.
