د کوچني اختر په مناسبت د افغاني سرې میاشتې ټولنې سرپرست ريیسه پیغام!
د افغاني سرې میاشتې ټولنې د لارښود بورډ، کارکوونکو، رضاکارانو او غړو په استازیتوب د کوچني اختر د رارسیدو له امله د افغانستان متدین ملت او د نړۍ ټولو مسلمانانو ته د زړه له کومې مبارکي وایم.
د طالبانو له لوري د اختر په دریو ورځو کې د اوربند له اعلان څخه هرکلی کوم او هیله لرم، چې د ټولو ښکیلو لوریو له لوري په دایمې اوربند پریکړه وشي او په هیواد کې تل پاتې سولې ته لاره هواره شي. او همدارنګه له ټولو درنو هیوادوالو څخه هیله کوم؛ ترڅو د کرونا ویروس د خپراوي پر وړاندې تدابیرو ته جدي پاملرنه وکړي او د کرونا د درېیمې څپې څخه ځانونه او ټولنه خوندي وساتئ!
په درنښت
ډاکتر نیلاب مبارز
د افغاني سرې میاشتې ټولنې سرپرست ريیسه
