د کويټ د سرې مياشتې له لوري نن د ربیع الثاني پر ۳۰مه افغاني سرې میاشتې ته د ۹۹۱۹۴ امريکايي ډالرو په ارزښت په طبي وسائلو سمبال دوه عرادې لنډکروزر امبولانسونه د روغتیايي خدمتونو د وړاندې کولو په موخه وسپارل شول!
د کويټ د سرې مياشتې له لوري نن د ربیع الثاني پر ۳۰مه افغاني سرې میاشتې ته د ۹۹۱۹۴ امريکايي ډالرو په ارزښت په طبي وسائلو سمبال دوه عرادې لنډکروزر امبولانسونه د روغتیايي خدمتونو د وړاندې کولو په موخه وسپارل شول. د یادو امبولانسونو د تسليمۍ پر مهال د افغاني سرې میاشتې سرپرست عمومي رئیس مولوي مطیع الحق خالص په خپلو څرګندونو کې د کویټ هېواد له مرستې د مننې تر څنګ وويل: "موږ به کوشش وکړو، چې یاد امبولانسونه د هېواد لرې پرتو سیمو او راستنیدونکو کډوالو ته د روغتیاي خدمتونو وړاندې کولو لپاره وکاروو".نوموړي زياته کړه "یاده مرسته د هېوادوالو ستونزې په بشپړ ډول نه شي حل کولی، نو لازمه ده چې نړیوال خیریه بنسټونه په دغو سختو شیبو کې د افغان ولس لاسنیوي ته را ودانګي او د شته کړاوونو په راکمولو کې بشپړه ونډه واخلي".