د کارموندنې خبرتيا!

د دندې عنوان: روغتیايي مبلغ

اړونده اداره: د افغاني سرې میاشتې ټولنه

د دندې ځای:ننګرهار، پکتیکا، نیمروز، کابل، هرات

د بست ډول: قراردادي

د بستونو شمېر: ۶

جنسیت: ذکور

کاري وخت: پوره ورځ

د معاش کچه: د افغاني سرې میاشتې د معاشونو له تګلارې سره سم

د بست کوډ نمبر : ننګرهار دوه بستونه ( HR@0285)، پکتیکا ( HR@0284)، نیمروز ( HR@0287)، کابل ( HR@0283) ، هرات ( HR@0286)

د اسنادو د استولو وروستۍ نېټه:

١۴۴۸/۲/۲۱

۱۴۰۵/۵/۱۴

2026/5/Aug

اصلي دندې او مسؤولیتونه

۱. روغتیا، عامه پوهاوی او روغتیايي زده کړې

• د عامې روغتیا وزارت (MoPH) له لارښوونو او ملي معیارونو سره سم په روغتیايي مرکزونو او ټولنه کې منظمې د روغتیايي زده کړو او عامه پوهاوي غونډې ترسره کول.

• د لاندې مهمو روغتیايي موضوعاتو په اړه د خلکو پوهاوی لوړول:

• شخصي حفظ الصحه او د لاسونو سم مینځل.

• د څښاک پاکې اوبه، حفظ الصحه، چاپېریالي روغتیا او سانیټېشن.

• تغذیه او د ماشومانو د تغذیې (IYCF) اساسي پیغامونه.

• د میندو، نویو زېږېدلو، ماشومانو او تنکیو ځوانانو روغتیا.

• د کورنۍ د تنظیم او روغتیا په اړه عامه پوهاوی.

• واکسیناسیون او د واکسین له لارې د مخنیوي وړ ناروغۍ.

• د ساري ناروغیو مخنیوی او د هغوی د نښو پېژندنه.

• د COVID-19 او نورو اپیدمیک او د خپرېدو وړ ناروغیو په اړه پوهاوی.

• د نس ناستې، حاد تنفسي انتاناتو (ARI)، ملاریا، نري رنځ (TB) او نورو عامو ناروغیو مخنیوی.

• د اړتیا په صورت کې د رواني روغتیا او رواني ټولنیز ملاتړ (MHPSS) اړوند پیغامونه.

۲. د ټولنې بسیج او د روغتیا په اړه عامه پوهاوی

• د روغتیايي خدمتونو د کارونې زیاتوالي لپاره ټولنه بسیج او هڅول.

• ناروغانو، د هغوی پالونکو او د ټولنې د غړو لپاره د ډله ‌ییزو روغتیايي زده کړو غونډې تنظیمول.

• د اړتیا په صورت کې ناروغانو او د هغوی پالونکو ته انفرادي روغتیايي مشورې ورکول.

• د روغتیايي خدمتونو ته د لاسرسي او سالم ژوندانه د ترویج لپاره هڅې کول.

• د ملي روغتیايي کمپاینونو، واکسیناسیون او د ناروغیو د مخنیوي اړوند فعالیتونو ملاتړ کول.

• د ټولنې کې له روغتیايي رضاکارانو (CHVs)، سیمه‌ییزو مشرانو او روغتیايي شوراګانو سره په همغږۍ د عامه پوهاوي غونډې او کمپاینونه تنظیمول.

۳. راجع کول (Referral) او تعقیب.

• طبي خدمتونو ته اړتیا لرونکي اشخاص پېژندل او په وخت سره مناسب روغتیايي مرکز ته راجع کول.

• ناروغانو او د هغوی پالونکو ته د راجع کولو پروسې او تعقیبي لیدنو په اړه معلومات ورکول.

• د پروژې د کړنلارو له مخې د راجع شویو ناروغانو د تعقیب ملاتړ کول.

۴. د روغتیا په اړه د عامه پوهاوي توکي

• د روغتیايي زده کړو پر مهال د تصویب شویو معلوماتي، ښوونیزو او چلند بدلون (IEC/BCC) مواد کارول.

• ډاډ ترلاسه کول چې معلوماتي مواد موجود، په مناسب ځای کې نصب او په سمه توګه کارول کېږي.

• د IEC/BCC موادو او نورو اړینو توکو د کمښت یا خرابوالي په اړه اړوند مسؤول ته راپور ورکول.

۵. راپور ورکول او اسناد

• د عامه پوهاوي د ټولو فعالیتونو راپورونه ثبت او ساتنه یې کول.

• ورځني، اونیز او میاشتني راپورونه چمتو کول او اړوند مسؤول ته سپارل.

• د روغتیايي زده کړو په غونډو کې د ګډونوالو د حضور او ثبت اسناد ساتل.

• د اړتیا په صورت کې د روغتیايي عامه پوهاوي احصایوي معلومات ترتیبول او اړوند مسؤول ته سپارل.

۶. همغږي

• له ډاکټرانو، نرسانو، قابلو، د تغذیې کارکوونکو، WASH کارکوونکو، د ټولنې روغتیايي کارکوونکو (CHWs) او ګرځنده روغتیايي ټیمونو سره نږدې همغږي درلودل؛ څو د روغتیايي عامه پوهاوي فعالیتونه په ګډه او اغېزمنه توګه ترسره شي.

• په غونډو، روزنیزو پروګرامونو او نظارتي لیدنو کې ګډون کول.

• د روغتیايي کمپاینونو او بیړنیو روغتیايي غبرګونونو په پلي کولو کې مرسته کول.

۷. حساب ورکونه (Accountability)

• مستحقینو ته د شکایتونو او نظریاتو د وړاندې کولو د میکانیزمونو په اړه معلومات ورکول.

• ډاډ ترلاسه کول چې د حساب ورکونې اړوند معلوماتي مواد په روغتیايي مرکزونو کې فعال او د لیدلو وړ وي.

• شکایت، اندېښنې او خوندیتوب (Protection) اړوند موضوعاتو په اړه اړوند مسؤول ته راپور ورکول.

• د ادارې لاندې تګلارې رعایت کول:

• د چلند اصول (Code of Conduct)

• د ماشوم ساتنې پالیسي (Child Protection Policy)

• د جنسي استثمار او ناوړه ګټې اخیستنې د مخنیوي پالیسي (PSEA)

• د فساد او درغلۍ ضد پالیسي (Anti-Fraud and Anti-Corruption Policy)

• د ټولو مراجعینو محرمیت، مسلکي چلند او درناوی په پام کې نیول.

د دندې شرایط:

زده کړې

• له نرسنګ یا نورو طبي برخو څخه فارغ وي او د ایکزیټ ازموینه یی په بریالیتوب سره تیره کړې وي.

کاري تجربه

• لږ تر لږه یو (۱) کال د روغتیايي عامه پوهاوي، ټولنیزې روغتیا، لومړنیو روغتیايي خدمتونو (PHC) یا عامې روغتیا په پروګرامونو کې د کار تجربه درلودل.

• د روغتیايي زده کړو او چلند بدلون د اړیکو (BCC) د غونډو ترسره کولو تجربه درلودل.

• د ټولنې پر بنسټ روغتیايي پروګرامونو کې تجربه لرل امتیاز ګڼل کېږي.

ژبې

• په پښتو او دري ژبو بشپړ تسلط درلودل.

• د انګلیسي ژبې ابتدایي پوهه امتیاز ګڼل کېږي.

اساسي وړتیاوې (Core Competencies)

• غوره اړیکه نیونه او خپلمنځي مهارتونه.

• د روزنې او عامه وینا قوي وړتیا درلودل.

• له بېلابېلو ټولنو سره د اغېزمن کار کولو وړتیا درلودل.

• د روغتیايي مشورو او عامه پوهاوي ښه مهارتونه درلودل.

• په خپلواکه توګه او د څو مسلکي ټیمونو په چوکاټ کې د کار کولو وړتیا درلودل.

• د تنظیم، راپور ورکولو او اسنادو ساتلو ښه وړتیا درلودل.

• ټولنیزو او کلتوري ارزښتونو درناوی او بشري اصولو ته ژمن اوسېدل.

• لرې پرتو او له خدمتونو محرومو سیمو ته د سفر او کار کولو چمتووالی درلودل.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تخنیکي تجربو تصدیقونه او تذکره) پي ډي اف بڼه لاندې برېښنا لیک ته د ثبت په موخه و استوئ.

برېښنا لیک:

hr@arcs.af

د اړیکې شمېره: ‪‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬

0701436832

یادونه: دندې ته د نوم لیکنې او اېمېل آدرس د رالېږلو پر مهال، د اړونده بست عنوان او کوډ نمبر لیکل اړین او نا تکمیله اسناد د منلو وړ نه دي.