د ښځو د پیوستون له نړیوالې ورځې لمانځنه وشوه!
د مارچ له اتمې « د ښځو د پیوستون له نړیوالې ورځې» څخه نن چهار شنبه د روان ۱۳۹۹ لمریز کال د کب پر ۲۰ نیټه د ملي ټولنې د سرپرست ریسې آغلې ډاکتر نیلاب مبارز، مرستیال ډاکټر میرویس اکرم، د سکرترجنرال د مرستیالانو، په کابل کې د سره صلیب او سرې میاشتې د نړیوال فدراسیون د ریس، د ناروې سره صلیب د استازو، د مرکزي دفتر د ریسانو، کارکوونکو او رضاکارانو په ګډون سره د یو لړ شانداره مراسمو په ترڅ کې د افغاني سرې میاشتې ټولنې له لوري لمانځنه وشوه.
د افغاني سرې میاشتې ټولنې سرپرست ریسې آغلې ډاکټر نیلاب مبارز د ښځو د پیوستون د نړیوالې ورځې په پار د مبارکۍ ترڅنګ؛ د نوموړې ورځې پر ارزښت، په ټولنه کې د میرمنو پر ونډه، لاسته راوړنو او ستونزو هر اړخیزې خبرې وکړې او همدارنګه یې په ټولنه کې د مېرمنو له حضور او لا پراخې ونډې ملاتړ او غوښتنه وکړه.
د یادونې وړ ده چې له یادې ورځې څخه د افغاني سرې میاشتې ټولنې په څلوردیرش استازولیو او سیمه ایزو دفترونو کې د کارکوونکو، رضاکارانو او اړونده ولایتي میلمنو په ګډون سره د جندر آمریت له لوري د ناروې سره صلیب په مالي ملاتړ لمانځنه وشوه.
