د مشعل بیات ښوونځي څخه ۴٢ تنه زده کوونکي د دولسم ټولګيو فارغ شول
د مشعل بیات ښوونځي څخه ۴٢ تنه زده کوونکي د دولسم ټولګيو فارغ شول
نن چهارشنبه د جمادي الآخره د میاشتې پر ۹مه، د افغاني سرې میاشتې اړوند د مشعل بیات ښوونځي د دولسمو ټولګيو د فارغانو د فراغت په مناسبت جوړه شوې غونډه د افغاني سرې میاشتې د مرستیال ښاغلي حافظ عزیز الرحمن، د مرکزي دفتر د ځېنو ریسانو، آمرینو، د پنځمې ښوونيزې حوزې د آمر، استاذانو او د فارغینو د والدینو په شتون کې ترسره شوه.
یاده غونډه کې د افغاني سرې میاشتې مرستیال د اسلام له نظره د علم او پوهې په ارزښت د تفصیلي وینا ترڅنګ له مشعل بیات ښوونځي څخه فارغ زده کوونکي په علمي او فرهنګي لحاظ د ټولنې لپاره ارزښتمن وبلل. نوموړي په خپلو خبرو کې د فارغو زده کوونکو هڅې او زحمتونه وستایل او هغوی ته یې راتلونکي کې د لا ډېرو هڅو ترسره کولو او لوړو زده کړو ترلاسه کولو سپارښتنه وکړه.
یاده غونډه فارغو زده کوونکو او په علمي ډګر کې ځلېدلیو ښوونکو ته د تصديق پاڼو او ډالیو په وېش پای ته ورسېده.
