د مرکزي دفتر د حقوقي چارو ریاست ارشد کارپوه معرفي شو!
د افغاني سرې میاشتې ټولنې د سرپرست رییس ښاغلي مولوي مطیع الحق خالص له ۳۹۹ حکم سره سم د روان ۱۴۰۰ لمریزکال د لړم پر ۱۹مه نېټه د ۱۳۴۳ هجری قمري کال د ربیع الثاني له ۴مې نېتې سره سم ښاغلی لطیف الله قمري د حقوقي چارو ریاست د ارشد کارپوه په توګه د داخلي تفتیش د رییس ښاغلي مولوي محمد نسیم احمدی، د بشری منابعو د رییس نورالحق یوسفي ، د اطلاعاتو او نشراتو د رییس عرفان الله شرفزوی ، د حقوقي چارو د رییس غلام محمد مجاهد او د سرې میاشتې د ویاند نورآغا صاحب زاده په شتون کې معرفي شو.
یاده معرفی غونډه د کلام اقدس الهي په مبارکو آیاتونو پیل شوه. ورپسې مولوي محمد نسیم احمدي د خپلو خبرو په ترڅ کی وویل چې تغیر او تبدیل په یوه اداره کې اصل دی. نوموړي زیاته کړه "هرمسلمان د بل مسلمان ورور دی باید یو له بله سره په ورځنیو چارو کې مرسته او همغږي ولرو او ټولې چارې مو په پوره ریښتینولۍ سره پرمخ یوسو، تر څو وکولای شو خپلو موخو ته د پاک رب په مرسته په ښه توګه ورسېږو.
