د دندې اعلان

د دندې عنوان: د سافټویر جوړوونکی  Software Developer

اړونده اداره: د افغاني سرې میاشتې ټولنه

د بستونو شمېر:  ٢

د بست کوډ نمبر :  hr@0046

د اسنادو د استولو وروستۍ نېټه:
١۴۴۶/۱٢/٨
۱۴۰۴/۳/۱۵
2025/June/5

دندې او مسؤولیتونه:

۱. د ادارې د ریاستونو او مدیریتونو له اړتیاوو سره سم د تړل شويو او وخت نیوونکو پروسو د ساده کولو او سیستماتیک کولو د څار، مدیریت او لومړیتوب ورکولو لپاره د یوه تطبیقي پلان چمتو کول او ترتیبول. 

۲. د معلوماتي سیستمونو د ډیټابیسونو د ډیزاین، پراختیا او تطبیق لپاره د معیاري او مناسبو تګلارو پېژندنه او جوړښت.

۳. د عصري ټکنالوژۍ او لاندې پروګرامونو په کارولو کې مهارت MVC، JavaScript، ASP.Net/Core، C#، React.js، Django، Rest Framework، Flutter (Mobile App, Dart)، Python، Data Mining، Data Science، PostgreSQL، MongoDB، SQL Server  او د پروګرامینګ نورې برنامې.

۴. په مرکزي او ولایتي څانګو کې د ډیجیټل معلوماتي سیستمونو د تطبیق پر مهال د منل شويو معیارونو او کړنلارو د پلي کولو ډاډ ورکول، ترڅو له یوه واحد معلوماتي سیستم سره په آسانه او باوري ‌ډول یو ځای شو.

۵. د ادارې د اړتیاوو او سازماني موخو پر بنسټ د معلوماتو د لومړيتوب ټاکنه، تخنیکي او غیر تخنیکي اسنادو تنظیم، او د اړتیا په صورت کې د تخنیکي لګښتونو او نورو اړینو مطالعاتو ارزونه.

۶. د دفتر دننه د نوي سیستم او موجوده ډیټابیسونو د تطبیق او همغږۍ یقیني کول.

۷. د ادارې مرکزي او ولایتي څانګو او نورو اړوندو برخو د معلوماتي سیستمونو د ډیټابیسونو د امنیت ډاډ ترلاسه کول او اړین امنیتي تدابیر پلي کول.

۸. د معلوماتي او ډیجیټل سیستمونو د ټولو برخو پرله ‌پسې تازه/ نوي کول.

۹. د اړتیا پر مهال د ډیټابیسونو لپاره د سرورونو نصب، دایمي بیک ‌اپ اخېستل/ معلوماتو ذخیره کول او د معلوماتي سیستمونو او د ادارې د ډیټابیسونو لپاره د تباهۍ/له منځه تللو پرمهال د بېرته ګرځولو سیستم (Disaster Recovery System – DRS) جوړول.

۱۰. د ادارې د لومړیتوبونو او څانګو له اړتیاوو سره سم د معلوماتي سیستمونو د جوړښت لپاره د مختلفو ټکنالوژیو پېژندنه او د هغوی په اړه پریکړې نیول.

۱۱. د معلوماتي سیستمونو کې د کیفیت د تضمین د معیارونو (Quality Assurance Metrics) تطبیق.

۱۲. د معلوماتو د مدیریت پلي کول او ملاتړ، د معلوماتي سیستمونو د یو ځای کولو اړوند د نوو پروژو پلي کول او د هغوی ملاتړ.

۱۳. د معلوماتي سیستمونو د پراختیا د بهیر او فعالیت پر مهال د موجوده او احتمالي ستونزو حل، تشخیص او له منځه وړل.

۱۴. له هر ډول تحلیل مخکې، د خپلو سوداګریزو موخو روښانه تعریفول، د معلوماتو پاکول او مخکې له مخکې چمتو کول، د لیدیزونو او احصایوي لنډیزونو له لارې تحلیل، ستاسو د یوې ځانګړې ستونزې لپاره د احصایې یا ماشین زده ‌کړې د ماډلونو تطبیق، او د متقابل اعتبار او مناسبو کړنو له لارې د ماډلونو ارزونه.

۱۵. د کار پروسه داسې ډیزاینول چې د پروسو ثبت او مستندسازي د بیا تکرار وړتیا ولري، د حساسو معلوماتو د کنټرول پر مهال اخلاقي معیارونه مراعت شي، په جوړښت/تولید کې د کره والي لپاره باید ماډلونه په منظم ډول تازه شي، د غوره نظریو او درک لپاره د سکتوري متخصصینو سره همکاري وشي، او پایلې یې په روښانه ډول د اسانه لیدیزو موادو او عملي راپورونو په مرسته له غیر تخنیکي شریکانو سره شریکې شي.

۱۶. د اړونده او معتبرو معلوماتو د سرچینو ټاکل، د پایلې د کره والي لپاره د شور او بې ‌ارزښته معلوماتو کمول، د پیچلتیا د کمولو او د ماډل د کړنې د ښه والي لپاره د ځانګړتیاوو ټاکنه، له ستونزې سره سم ډلبندي یا د اړونده قاعدې موندل، او د موندل شوو پایلو/ شکلونو دقیقه ارزونه ترڅو ډاډ تر لاسه شي چې ګټورې، باوري او عملي دي.

۱۷. له عصري یا نوو معلوماتي مجموعو سره کار کول، د سکتوري پوهې په مرسته دقیق تحلیل، د معلوماتو د اخېستلو/کنټرول پر مهال د اخلاقي او قانوني اصولو مراعات، د ماډلونو د بې‌ځایه تطبیق څار او مخنیوی، او پریکړه نیوونکو ته په واضح، لنډ او مؤثر ډول د پایلو وړاندې کول.

۱۸. هغه کاندیدان چې له دریو تر پنځو کلونو د سافټویر انجینرۍ او پروګرام جوړونې عملي تجربه لري، تمه ده چې د قوي او د باور وړ سافټویر حل لارو په ډیزاین، پراختیا او ساتنه کې هم پیاوړي وي.

هغوی باید له بیلابیلو پروګرامنګ ژبو، پرمختللو وسایلو او تګلارو د کارولو کاري تجربه ولري. د ماسټرۍ سند درلودل لازمي او د پی‌ایچ‌ډي لرونکو ته لومړیتوب ورکول کېږي.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تخنیکي تجربو تصدیقونه او تذکره) پي ډي اف بڼه لاندې  برېښنا لیک ته د ثبت په موخه و استوئ.

برېښنا لیک:
hr@arcs.af

د اړیکې شمېره: ‪
+93-706-750-299

یادونه: نا تکمیله  اسناد د منلو وړ نه دي.