د افغاني سرې میاشتې ټولنې سرپرست رییس د ترکیې هېواد د روغتیا وزارت د نړیوالو اړیکو له رییس سره وکتل!
په دې لیدنه کې د افغاني سرې میاشتې سرپرست عمومي رییس د افغاني سرې میاشتې ټولنې د روغتیا څانګې د فعالیتونو په اړه مالومات وړاندې کړل او د دې څانګې د ګرځنده روغتیایي ټیمونو پر ستونزو، د روغتونونو پر تجهیز او په سوري زړه د اخته ناروغانو پر درملنه خبرې وشوې.
په مقابل کې د ترکیې هېواد د روغتیا وزارت عمومي رییس له لوري د هر ډول همکارۍ په ځانګړې توګه د ناروغو ماشومانو د درملنې، د روغتونونو د ستونزو او متخصصینو په اړه خبرې وکړې او د مرستې ژمنه یې وکړه.
