د افغاني سرې میاشتې ټولنې د مرستیال په توګه د ملا نورالدین ترابي پیژندغونډه!

Website_admin
یکشنبه ۱۴۰۰/۷/۱۸ - ۹:۱۴
محترم ملا نورالدین ترابی به صفت معاون جمعیت افغانی سره میاشت معرفی گردید!

نن چهار شنبه د روان ١٤٠٠ لمریز کال د تلې پر ۱۴ نیټه د افغاني سرې میاشتې ټولنې مرستیال ښاغلی نورالدین ترابي د افغاني سرې میاشتې ټولنې د پخواني سرپرست رئیس ښاغلي مولوي سید صفت الله قریشي، د سکرترجنرال ښاغلي ډاکتر محمد نبي برهان، د سکرترجنرال د حمایوي او عملیاتي مرستیالانو ښاغلي الحاج محمد طیب یوسفزي او ښاغلي نوروز علي علیزاده، یو شمېر کاري شریکانو، د مرکزي دفتر د رئیسانو، کارکوونکو او رضاکارانو په شتون کې د عمومي ریاست د مرستیال په توګه معرفي شو.

د غونډې په پیل کې ښاغلي مولوي سید صفت الله قریشي، د سرې میاشتې نوي مرستیال ښاغلي ملا نورالدین ترابي صاحب او درنو مېلمنو ته د ښه راغلاست تر څنګ، د افغاي سرې میاشتې ټولنې پر بنسټیزو اصولو او فعالیتونو خبرې وکړې او زیاته یې کړه: سره میاشت په هیواد کې یواځنی خیریه، ملي او بشرپال بنسټ دی، چې د هیواد په هر کوټ کې په خپلواکه او بې پرې توګه، د بشري کړاو د کمښت په موخه، بشرپالې کړنې ترسره کوي.

ښاغلي قریشي وویل: د خوښۍ ځای دی چې د افغاني سرې میاشتې ټولنه په هیواد کې تر ټولو منظم اداري سیسټم او کاري ټیم لري او په نورمال ډول خپلې بشرپاله مرستې پر مخ وړي.

د افغاني سرې میاشتې ټولنې مرستیال ښاغلي ملا نورالدین ترابي په خپلو خبرو کې و ویل: سره میاشت د هیواد د یواځیني ملي او بشرپال بنسټ په توګه په ټول هیواد کې د اړمنو او طبیعي او غیر طبیعي پیښځپلو د لاسنیوي په موخه فعالیت کوې او زه هم ژمنه کوم؛ ترڅو یادې مرستې لا ډیرې او پر وخت سره یې اړو او مستحقو کسانو ته ورسوو.

ښاغلي ترابي زیاته کړه: « زه هڅه کوم د وزارت له تیرې دورې او شته تجربو څخه په ګټې اخستنې سره د ملي ټولنې له لارې خپلو هیوادوالو ته لا غوره او پر وخت خدمتونه وړاندې کړم». همدارنګه یې د بشرپاله خدمتونو په وړاندې کولو کې له هر ډول تبعیض څخه په ډډه ټینګار وکړ.

تازه خبرونه

پنجشنبه ۱۴۰۰/۹/۱۱ - ۹:۵۰
Background image

په کابل کې د افغاني سرې میاشتې له لوري ۱۰۰ کورنۍ له مرستو برخه مندې شوې!

نن د روان ۱۴۰۰ هجري لمريز کال د لېندۍ پر ۱۰مه نېټه د افغاني سرې میاشتې ټولنې سرپرست رييس ښاغلي مولوي مطیع الحق خالص له لوري د اسیا لپاره د فدرېشن رییس ښاغلي الکساندر او د مرکزي دفتر یو. . .

سه‌شنبه ۱۴۰۰/۹/۹ - ۱۵:۲۹
Background image

د افغاني سرې میاشتې ټولنې سرپرست رییس د ترکیې هېواد د حوادثو د ادارې له استازي سره لیدنه وکړه!

د روان ۱۴۰۰ هجري لمریز کال د لیندۍ پر ۹مه نېټه د افغاني سرې میاشتې ټولنې سرپرست رییس ښاغلي مولوي مطیع الحق خالص د ترکيې هېواد د حوادثو د نړیوالې ادارې له استازي ښاغلي برهان اسلان او په. . .

یکشنبه ۱۴۰۰/۹/۷ - ۱۴:۱۰
Background image

محترم رحمت الله رحمانی د ننګرهار د سرې میاشتې د رییس  په توګه ور وپېژندل شو!

د افغاني سرې میاشتې ټولنې د سرپرست رییس ښاغلي مولوي مطیع الحق خالص له حکم سره سم د روان ۱۴۰۰ لمریز کال د لیندۍ پر ۷مه نېټه ښاغلی رحمت الله رحماني نن یکشنبه د یو لړ مراسمو په ترڅ کې د. . .

BACK TO NEWS