د افغاني سرې میاشتې والیبال لوبډلې د افغان ټېلېکام غوره لیګ اتلولي خپله کړه
د افغاني سرې میاشتې والیبال لوبډلې د افغان ټېلېکام غوره لیګ اتلولي خپله کړه
نن جمعه د ذوالحجې په ٢ مه، د افغاني سرې میاشتې د ځوانانو او رضاکارانو ریاست تر چتر لاندې د دې خیریه ملي ټولنې د والیبال لوبډلې د افغان ټېلېکام د والیبال غوره لیګ په څلورم پړاو سیالیو کې د خراسان پوهنتون لوبډلې پر وړاندې په ۳ ـ ۰ بریا سره اتلولي خپله کړه.
یادې سیالۍ چې د افغان ټېلېکام له لوري تنظیم شوې وې، په کې د هېواد له بېلابېلو ادارو او بنسټونو لس غوره لوبډلو ګډون درلود.
د افغاني سرې میاشتې لوبډلې د ټولو پړاوونو له بریا سره تر پایلوبې ځان ورساوه او په خپله وروستۍ لوبه کې يې د خراسان لوبډلې پر وړاندې په یوې پیاوړې او په زړه پورې لوبه کې د ليګ اتلولي تر لاسه کړه.
